पुणे
पुरंदर मध्ये सात जणांचे उमेदवारी अर्ज अवैध
दिगंबर दुर्गाडे, संदीप जगदाळे, जालिंदर कामठे, दत्ता झुरंगे, बळीराम सोनवणे आदींचे उमेदवारी अर्ज अवैध
पुरंदर हवेली विधानसभा मतदारसंघातून भरलेल्या उमेदवारी अर्जाची छाननी आज बुधवारी पूर्ण करण्यात आली आहे. यामध्ये ७ उमेदवारांचे अर्ज हे अवैध ठरले आहेत.
पुरंदर हवेली विधानसभा मतदारसंघातून ४० उमेदवारांनी आपले उमेदवारी अर्ज दाखल केले होते. यापैकी ३३ उमेदवारी अर्ज वैध ठरले असून ७ उमेदवारी अर्ज हे पक्षाचे एबी फॉर्म न मिळाल्याने अवैध ठरले आहेत. यामध्ये राष्ट्रवादी काँग्रेस अजित पवार गटाचे नेते जिल्हा बँकेचे अध्यक्ष प्रा. दिगंबर दुर्गाडे यांचा देखील समावेश आहे.
पुरंदर हवेली विधानसभा मतदारसंघातून निवडणूक लढवण्यासाठी महायुती कडून अनेक जण इच्छुक होते. त्यामुळे महायुतीतून मोठ्या प्रमाणात अर्ज दाखल करण्यात आले होते. विशेषता राष्ट्रवादी काँग्रेस अजित पवार, भारतीय जनता पार्टी, शिवसेना या पक्षांच्यावतीने बहुसंख्य उमेदवारांनी आपल्या उमेदवारी अर्ज दाखल केले होते.
मात्र त्यांना एबी फॉर्म न मिळाल्याने त्यांचे उमेदवारी अर्ज रद्द करण्यात आलेला आहेत. ते अवैध ठरले आहेत. विशेषतः पुणे जिल्हा बँकेचे अध्यक्ष प्राध्यापक डॉक्टर दिगंबर दुर्गाडे त्याच बरोबर दत्ता झुरुंगे यांनी राष्ट्रवादी पक्षाच्यावतीने उमेदवार यअर्ज भरला होता. ए बी फॉर्म न मिळाल्याने त्यांचे उमेदवारी अर्ज अवैध ठरवण्यात आलेले आहेत.
त्याचबरोबर भारतीय जनता पार्टीच्या वतीने जालिंदर कामठे आणि संदीप उर्फ गंगाराम जगदाळे यांनी आपला उमेदवारी अर्ज दाखल केला होता. या दोघांचे देखील उमेदवारी अर्ज अवैध ठरले आहेत. त्याचबरोबर बळीराम सोनवणे यांनी यांनी रिपब्लिकन पार्टी ऑफ इंडिया आठवले गट या पक्षाच्या माध्यमातून उमेदवारी अर्ज दाखल केला होता त्यांना देखील एबी फॉर्म सादर करता आला नाही.
त्यामुळे त्यांचा उमेदवारी अर्ज रद्द करण्यात आला आहे. गंगाराम सोपान माने यांनी रिपब्लिकन पार्टी ऑफ इंडिया आंबेडकर या पक्षाच्यावतीने उमेदवारी अर्ज दाखल केला होता त्यांना देखील एबी फॉर्म मिळाला नाही. त्यामुळे त्यांचा उमेदवारी अर्ज रद्द करण्यात आलेला आहे.
त्याचबरोबर शंकर बबन हरपळे यांनी शिवसेना उद्धव बाळासाहेब ठाकरे या पक्षाच्या वतीने उमेदवारी अर्ज दाखल केला होता. त्यांना देखील उमेदवार एबी फॉर्म न मिळाल्याने त्यांचा उमेदवारी अर्ज अवैध ठरला आहे. तर एकूण ३३ अर्ज वैद्य ठरवण्यात आले आहेत. ते पुढील प्रमाणे
श्री. सुरेश बाबुराव विर
श्री. दत्तात्रय मारुती झुरंगे
श्री. दिगंबर गणपत दुर्गाडे
श्री. महादेव साहेबराव खेंगरे पाटील
श्री. अतुल महादेव नागरे
श्री. दिलीप विठ्ठल गिरमे
श्री. संभाजी सदाशिव झेंडे
श्री. संभाजी सदाशिव झेंडे
श्री. संभाजी सदाशिव झेंडे
श्री. उदयकुमार वसंतराव जगताप
श्री. गणेश बबनराव जगताप
श्री. विजय सोपानराव शिवतारे
श्री. जालींदर सोपानराव कामठे
श्री. संजय चंद्रकांत जगताप
श्री. उत्तम गुलाब कामठे
श्री. उत्तम गुलाब कामठे
श्री. शेखर भगवान कदम
श्री. विशाल अरूण पवार
श्री. शंकर बबन हरपळे
श्री. दत्तात्रय मारुती झुरंगे
श्री. सुरज संजय भोसले
श्री. अनिल नारायण गायकवाड
श्री. संदीप ऊर्फ गंगाराम मारुती जगदाळे
श्री. अभिजीत मधूकर जगताप
श्री. संदीप बबन मोडक
श्री. संजय चंद्रकांत जगताप
श्री. संजय चंद्रकांत जगताप
श्री. उमेश नारायण जगताप
श्री. संजय चंद्रकांत जगताप
श्री. संजय शहाजी निगडे
श्रीम. कीर्ती श्याम माने
श्री. आकाश विश्वास जगताप
श्री.सुरज राजेंद्र घोरपडे
याबाबतची माहिती निवडणूक विभागाच्या वतीने देण्यात आली आहे..
