पुरंदर
सासवड शहरातील जयप्रकाश चौक सासवड ता.पुरंदर जि.पुणे येथे एक अनोळखी मृतदेह आढळला असल्याची घटना घडली असून यासंदर्भात अनिल किसन मगर वय 37 वर्ष व्यवसाय अंडी विक्री दुकान रा. व्यंकटेष्वरा सोसायटी जयदिप मंगल कार्यालया जवळ सासवड ता.पुरंदर जि.पुणे सासवड पोलिस स्टेशनला खबर दिले आहे.
सासवड पोलिसांनी दिलेल्या माहितीनुसार हकीगत – वर नमुद केले तारखेस वेळी व ठिकाणी यातील खबर देणार यांनी खबर दिली की, ता.24/05/2022 रोजी सायंकाळी 5:00 वा. चे सुमारास मी दुकानावर असताना एक अनोळखी इसम दारू पिवून रोडचे कडेला लोळत होता.
त्याने जास्त दारू पिली असेल म्हणुन आम्ही त्याचेकडे दर्लक्ष केले. त्यानंतर रात्री 9:00 वा. चे सुमरास मला लोकांनी सांगितले की, एक अनोळखी इसम माझे दुकानासमोर रोडचे पलीकडे पडलेला आहे. त्याची काहीही हालचाल दिसत नाही.
म्हणुन मी पाहण्यासाठी गेलो असता सदर ठिकाणी एक अनोळखी इसम नाव पत्ता माहीत नाही. वय अंदाजे 50 वर्ष अंगात नेसणीस भगवे रंगाचा टी शर्ट, काळे रंगाची पॅन्ट, हा पडलेला दिसला तो काहीही हालचाल करीत नव्हता.
जमलेल्या लोकांना पोलीसांना फोनकरून बोलावून घेतले. पोलीसांनी लोकांचे मदतीने त्यांस ग्रामीण रूग्णालय सासवड येथे नेले असता तेथील डॉक्टरांनी त्यास तपासुन तो मयत असल्याचे सांगितले आहे.
तरी पुढील तजविज होणेस विनंती आहे. पुढील तपास सहाय्यक पोलीस फौजदार चिखले हे करीत आहेत .याबाबत कोणाला काही माहिती असल्यास 021152223333 या क्रमांकावर संपर्क साधण्याचे आवाहन पोलिसांनी केले आहे
