अकोला
अकोल्यातील सिव्हिल लाईन पोलिस स्टेशनच्या हद्दीत एक धक्कादायक घटना घडली आहे. डॉ. पंजाबराव देशमुख कृषी विद्यापीठलगतच्या रेल्वेगेट परिसरात खेळत असलेल्या एका ११ वर्षीय मुलावर नराधमाने अनैसर्गिक अत्याचार केला.आजूबाजूच्‍या परिसरात कोणीच नसल्याची संधी साधत नराधमाने मुलाला बोर देण्याचे आमिष दाखविले. मुलगाही बोरं मिळतात; म्हणून सोबत यायला तयार झाला. या नराधम आरोपीने त्याला काटेरी झाडाझुडूपांमध्ये नेऊन त्याच्यावर अनैसर्गिक अत्याचार केला.याप्रकरणात अकोला सिव्हिल लाइन पोलिसांनी गजानन नामक ५७ वर्षीय आरोपीस अटक केली आहे.
मुलाच्या पालकांनी दिलेल्या तक्रारीनुसार कृषी विद्यापीठ परिसरात असलेल्या झाडाची बोरं तोडून देण्याचे आमिष दाखविले. यानंतर गजानन नामक ५७ वर्षीय नराधमाने ११ वर्षीय मुलाला लगतच्या काटेरी झुडूपांत नेत त्याच्यावर अनैसर्गिक अत्याचार केला. या प्रकरणात सिव्हिल लाइन पोलिसांनी गुन्हा दाखल केला आणि घटनेचे गांभीर्य ओळखून पोलिसांनी आरोपीला अटक करत आरोपींविरोधात गुन्हे दाखल केल्यानंतर न्यायालयाने आरोपीला १७ जानेवारीपर्यंत पोलिस कोठडीत ठेवण्याचे आदेश दिले आहेत.
