पुरंदर
सासवड ( ता.पुरंदर ) येथील तरूणाने आत्महत्या केल्याची धक्कादायक घटना घडली आहे. आत्महत्या केलेल्या तरुणाचे नाव इश्वर रोहिदास शिंदे असून वय २९ वर्षे असावे असा अंदाज व्यक्त करण्यात आला आहे.
हा तरुण महात्मा फुले हौ.सोसायटी,सासवड ता.पुरंदर जि.पुणे या ठिकाणचा रहिवाशी आहे.हा तरूण ११ मे २०२३ पासून बेपत्ता होता.
तरूण बेपत्ता असल्याची तक्रार मयत तरुणाचे वडील रोहिदास शिंदे यांनी सासवड पोलीस ठाण्यात दिली होती. सासवड पोलीस या तरुणाचा शोध घेत असतानाच दिनांक १७ मे २०२३ रोजी हा घरी परतला.
तरुण घरी परतल्यानंतर वडिलांनी त्यास सासवड पोलीस स्टेशन येथे आणून हा तरुण सापडल्याचे कळविले. यानंतर आज दुसऱ्या दिवशी दिनांक १८ मे २०२३ रोजी या तरुणाने राहत्या घरात गळफास घेऊन आत्महत्या केल्याची धक्कादायक घटना घडली आहे.
हा तरुण हा कर्जबाजारी असल्याने आत्महत्या केल्याची ही प्राथमिक माहिती मिळते आहे. याबाबत सासवड पोलीस पुढील तपास करत आहेत.
