पुणे
मुंबई येथील बाळासाहेबांची शिवसेना पक्षाच्या कार्यालयात राज्यातील युवासेना वाढीसाठी सासवड शहरातील युवक नेते सुरज उत्तम जगताप यांची राज्य विस्तारक पदी नेमणूक मुख्यमंत्री एकनाथ शिंदे यांच्या आदेशाने व माजी मंत्री विजय शिवतारे यांच्या पुढाकाराने करण्यात आली.
यावेळी युवासेना सचिव किरण साळी, जिल्हा संघटक ममता लांडे-शिवतारे, नवनिर्वाचित बारामती लोकसभा संघटीका गीतांजली ढोणे, हरिभाऊ लोळे, उपसभापती दत्ता काळे, युवासेना समन्वयक गणेश मुळिक, विजय ढोणे, संजय कटके उपस्थित होते.
सुरज जगताप हे अनेक वर्षांपासून सामाजिक व राजकीय क्षेत्रात विविध माध्यमातून कार्यरत आहेत, आगामी निवडणुका व पक्ष वाढ हे हित लक्षात घेऊन जगताप यांची निवड करण्यात आली आहे. तसेच सुरज जगताप हे वसंतराव नाईक मराठवाडा कृषी विद्यापीठामध्ये कार्यकारी परिषदेवर सदस्य म्हणून काम करत आहेत.
