अकोला
अकोला जिल्ह्यात अतिशय संतापजनक घटना समोर आली, दोन जणांनी मूकबधिर असलेल्या एका ६५ वर्षीय महिलेला दारु पाजून तिच्यावर सामूहिक अत्याचार केलाय. दरम्यान या प्रकरणी चान्नी पोलिसांनी गुन्हे दाखल करत अत्याचार करणाऱ्या या दोघांनाही गजाआड केलं आहे.
प्राप्त माहितीनुसार,अकोला जिल्ह्यातील पातुर तालुक्यातील चान्नी पोलीस स्टेशन हद्दीतील सावरगाव मधील मूकबधीर असलेल्या ६५ वर्षीय महिलेला विनोद लठाड आणि निलेश बोरकर या दोघांनी दुचाकी वाहनावर बसवून नेले.
त्यानंतर तिला धमकावून बळजबरीने दारु पाजली. अन् तिच्यावर सामूहिक अत्याचार केला. यानंतर तिला सोडून दिले.दरम्यान, या सर्व प्रकारानंतर वृद्ध महिला प्रचंड घाबरली. त्यानंतर पीडितेने आपल्यावर घडलेला प्रकार नातेवाइकांना सांगितला.
त्यानंतर नातेवाइकांनी पीडित महिलेला घेवून चान्नी पोलीस स्टेशन गाठले अन् फिर्याद दाखल केली. यावरून चान्नी पोलिसांनी सावरगाव येथील आरोपी विनोद लठाड व नीलेश बोरकर या दोन जणांवर विविध कलमान्वये गुन्हा दाखल केला.
पोलिसांनी दोन आरोपींना अवघ्या दोन तासात अटक केली. आज या आरोपींना न्यायालयात हजर केले असता न्यायालयाने त्यांना २२ जुलैपर्यत पोलीस कोठडी सुनावली. या संदर्भात अधिक तपास मार्गदर्शनात उपनिरीक्षक गणेश महाजन, सुधाकर करवते, दत्तात्रय हिंगणे करीत आहे.
