पुरंदर
पुरंदर तालुक्यातील थोपटेवाडी येथे एका पन्नास वर्षीय महिलेचा दगडाने ठेचून निर्घृनपणे खून केल्याची घटना समोर आली आहे.यासंदर्भात या महिलेच्या जावयाने जेजुरी पोलिसात सोमवारी रात्री उशिरा फिर्याद दिली आहे.
अत्यंत निर्दयीपणे हा खून करण्यात आल्यानंतर परिसरात घबराटीचे वातावरण निर्माण झाले आहे या खुणाचा तपास लावणे आता पोलिसांकडे मोठे आव्हान आहे.याबाबत जेजुरी पोलिसांनी दिलेल्या माहिती नुसार सोमवारी सायंकाळी साडेसात वाजलेच्या दरम्यान ही घटना उघडकीस आली आहे.
थोपटेवाडी येथील पाझर तलावाच्या बाजूला या महिलेच्या डोक्यात दगड घालून तिचा खून करण्यात आला आहे. ही महिला सातारा जिल्ह्यातील फलटण तालुक्यातील कापडगाव येथील ही महिला असल्याचं पोलिसांकडून सांगण्यात आलय,तर संगिता शरद करे अस या महीलेच नाव आहे.
माहिती मिळाल्या नंतर पोलिसांनी घटनास्थळी जाऊन पंचनामा केला आहे व मृतदेह ताब्यात घेऊन उत्तरीय तपासणी साठी पाठवला आहे.
मृत महिलेच्या मुलगी ही पिसुर्टी येथील गोपीनाथ जगन्नाथ बरकडे यांच्याशी विवाह झाला आहे. त्यामुळे मुलीला भेटण्यासाठी त्या अनेक वेळा पिसुर्टी येथे येत असतात. यावेळी सुद्धा त्या आल्या होत्या मात्र त्यांचा कोणीतरी दगडांचे ठेचून खून केल्याचे निष्पन्न झाले आहे.
थोपटेवाडी येथील पाझर तलावाच्या बाजूला त्यांचा मृत देह आढळून आला आहे.त्यांच्या मृत देहाच्या बाजूला दोन मोठे दगड पडलेलं असून त्याला रक्त लागलेले आहे.त्यामुळे दगडाने ठेचून हा खून झाला असावा असा अंदाज पोलिसांनी व्यक्त केला आहे.
या संदर्भातील फिरतात मृताचा जावई गोपीनाथ बारकडे यांनी जेजुरी पोलिसात दिली आहे .पोलिसांनी भा.द.वि.कायदा कलम 302,201 नुसार गुन्हा दाखल केला असून या घटनेचा अधिकचा तपास पोलीस निरीक्षक उमेश तावसकर करीत आहेत
