सार्वजनिक बांधकाम विभागाने तातडीने लक्ष देण्याची गरज
पुणे : प्रतिनिधी
सासवड- बोपदेव घाट – कोंढवा मार्गावरिल रस्त्यावर ठिकठिकाणी खडडे पडले आहेत ,यामुळे ये – जा करणार्‍या हजारो वाहनचालकांना वाहन चालवताना मोठी कसरत करावी लागत आहे .
सासवड वरुन बोपदेव घाटाकडे जाताना परिसरातील शारदा लाॅन्स ते कोडीत नाक्यावरिल पेट्रोल पंप ,हिवरे गावातील तीव्र वळणावर तसेच एक किलोमीटर अंतरापर्यंत ठिकठिकाणी रस्त्यावर खडडे पडले आहेत. बोपदेव घाट मार्गावरिल हिवरे ,चांबळी ,बोपगाव , भिवरी गावातील दररोज ये- जा करणार्‍या नागरिकांची मोठी गैरसोय होत आहे.
काञज तसेच स्वारगेट पी.एम.पी एम.एल आगारातुन सासवड साठी पी.एम.पी बसेस सुरु आहेत. ठिकठिकाणी असलेल्या खडड्यांमुळे दुचाकी ,खासगी बसेस ,दुधगाड्या , चारचाकी वाहनांचा अपघात होण्याची शक्यता नाकारता येत नाही.या मार्गावर ठराविक दिवसानंतर रस्ता दुरुस्ती व देखभालीकडे लक्ष देण्याची मागणी वाहनचालकांमधुन होत आहे.सार्वजनिक बांधकाम विभाग ठिकठिकाणी असलेले खडडे बुजवुन त्यावर डांबरीकरण केव्हा करणार ? की एखादा भीषण अपघात घडल्यानंतरच प्रशासनाला जाग येणार असा सवाल नागरिकांमधुन विचारला जात आहे.
