पुणे
सिंधुदुर्गातील मालवणमध्ये धक्कादायक प्रकार घडला आहे. शाळेतील सोबती एकत्र येणार याचा उत्साह प्रत्येकाच्या मनात मोठा होता. अमोल सर्वांना एकत्रित आणण्यासाठी पुढे होता. शाळेच्या वर्गात एक एकजण जमा झाले. प्रत्येकाची भेट सुरु असताना अमोलचे कौतुक प्रत्येकाच्या तोंडावर होते अन् सारे वर्गमित्र हास्यविनोदात तल्लीन झाले असतानाच अमोलने सर्वांचा निरोप घेतला. काही क्षणात होत्याचे नव्हते झाले. हसणारे चेहरे दुःख सागरात बुडाले.
मालवण टोपीवाला हायस्कुल सन २००३ दहावी बॅचचे विद्यार्थी, विद्यार्थिनी २१ वर्षांनी गेटटुगेदर निमित्ताने एकत्र आले होते. टोपीवाला हायस्कुल येथे सर्वांच्या सहभागातून गेटटुगेदर सुरू असताना अमोल सुरेंद्र परब (३६) रा. मालवण यांची तब्येत अचानक बिघडली ते अत्यवस्थ बनले. उपस्थित सहकाऱ्यांनी त्यांना तात्काळ शहरातील खाजगी रूग्णालयात दाखल केले. मात्र उपचारापुर्वीच त्यांचा मृत्यू झाला. या घटनेने उपस्थित सर्वांवर दुःखाचा डोंगर कोसळला.
शासकीय इलेक्ट्रीक ठेकेदार म्हणून कार्यरत असलेले अमोल सुरेंद्र परब (वय ३६) हे २००३ दहावी बॅचचे विद्यार्थी होते. टोपीवाला हायस्कुल येथील माजी विद्यार्थी गेटगेदर आयोजनातही त्यांचा टोपीवाला हायस्कुल येथे स्नेहमेळावा सुरू असतानाच ही दुर्दैवी घटना घडली. घडलेल्या या घटनेनंतर सर्वत्र दुःख व हळहळ व्यक्त केली जात आहे.
अमोल याच्या पश्चात पत्नी, आई, वडील, भाऊ, भावजय, पुतणी असा परिवार आहे. अमोल याच्या निधनाची माहिती कळताच शहरातील नागरिकांनी आणि त्याच्या मित्रपरिवाराने शिक्षक वर्ग यांनी रूग्णालयाकडे धाव घेतली होती. अनेकांचे डोळे पाणावले.अमोल परब हे मनमिळावू व हसतमुख स्वभावाचे होते. ते शासकीय इलेक्ट्रीक कॉन्ट्रक्टर म्हणून परिचीत होते. तसेच पर्यटन व्यावसायिक म्हणूनही ओळखले जायचे.
टोपीवाला हायस्कुल येथे २००३ दहावी बॅच गेटटुगेदर दिवसभर सुरू होते. त्यासोबत सर्व माजी विद्यार्थी यांच्या सहभागतून आणखी एक एकत्रित मेळावा आयोजित करण्यात आला होता. माजी विद्यार्थी अमोल परब यांच्या आकस्मिक निधनानंतर माजी विद्यार्थी यांचा मेळावा संघटनेने रद्द केला. मेळाव्यासाठी अनेक माजी विद्यार्थी दुपारनंतर टोपीवाला हायस्कुलमध्ये उपस्थित झाले होते. मात्र, परब यांच्या मृत्यूची माहिती मिळाल्यानंतर सर्वांनी दुखः व्यक्त केलेगेले दोन दिवस ते आपल्या बॅच समवेत विविध कार्यक्रमात सहभागी झाले होते.
मालवण टोपीवाला हायस्कुल येथील २००३ दहावी बॅच व २००५ बारावी बॅच २१ वर्षांनंतर सर्वजण एकत्रित आले होते. शनिवारी टोपीवाला हायस्कुल येथे आयोजित गेटगेदर कार्यक्रमात सहभागी झाले असताना दुपारी अचानकपणे त्यांची प्रकृती अत्यवस्थ बनली. सहकारी मित्रांनी त्याना तात्काळ खाजगी रूग्णालयात हलविण्यात आले. त्याठिकाणी ते मयत झाल्याचे घोषित करण्यात आले. याबाबत पोलीस ठाण्यात आकस्मिक मृत्यू म्हणून नोंद करण्यात आली आहे. परब याच्यावर रविवारी अंत्यसंस्कार करण्यात येणार आहेत.
