पुणे
शिवसेना ठाकरे गटाचे उपनेता शरद कोळी यांनी सदर बाजार पोलीस ठाण्यात तक्रार दाखल केली आहे. सोलापूर जिल्ह्यातील वाळू माफियांनी गोळ्या घालून जीवे ठार मारण्याची धमकी दिली असा दावा शरद कोळी यांनी केला आहे. सोलापूर शहरातील शिवसेना कार्यालय जाळून टाकण्याचीही धमकी देण्यात आल्याचे कोळी यांनी सांगितले.
सोलापूर शहर पोलिसांनी भारतीय न्याय संहिता कलम ३५१ अंतर्गत अदखलपात्र गुन्हा दाखल केला आहे.एनसीआर मधील माहितीनुसार, शरद कोळी वय हे अनेक दिवसांपासून अवैधरित्या वाळूची तस्करी करणाऱ्या वाळू माफियांचा विरोध करत होते.
शरद कोळी हे 6 जुलैला मित्र संतोष पाटील यांच्यासोबत शिवसेना कार्यालयात बसले होते आणि याच वेळी अक्कलकोट तालुक्यातील संबंधित वाळू माफियाचा संतोष पाटील यांच्या मोबाईलवर फोन आला. त्याने म्हटले की, मागील वेळी शरद कोळींच्या अंगावर लोकांना सोडून गोळ्या घालण्याचा प्रयत्न केला होता, त्यात सुदैवाने ते वाचले.
मात्र यावेळी वाचणार नाही, जिथे दिसेल तिथे गोळ्या घालू. तसेच सोलापूर शहरातील कार्यालय जाळून टाकू अशी धमकी या वाळू माफियानी दिली आहे. याबाबत ठाकरे गटाचे उपनेते शरद कोळी यांनी सदर बाजार पोलीस ठाण्यात तक्रार दाखल केली आहे.शरद कोळी हे अनेक वर्षांपासून अवैधरित्या वाळूचा तस्करीच्या विरोध करत पुढे सरसावले आहेत.
यादरम्यान शरद कोळींना ठार मारण्याचा प्रयत्न केला होता. शिवसेना ठाकरे गटात प्रवेश केल्यानंतर त्यांनी सातत्याने आक्रमक भाषणांतून राज्याचे लक्ष वेधले आहे. तर शरद कोळींचा सर्व सामान्य शेतकरी ते राज्य उपनेता असा प्रवास राहिला आहे. शरद कोळी यांच्यासोबत सतत दोन बंदुकधारी पोलिसांचं संरक्षण असतं. वाळू माफियांनी पक्षाचे उपनेते शरद कोळी यांना जीवे मारण्याची धमकी दिल्याने शिवसेना ठाकरे गटात चिंतेचे वातावरण पसरले आहे.
